ഡീസലിനും പെട്രോളിനും പാചകവാതകത്തിനും പിന്നാലെ മണ്ണെണ്ണയ്ക്കും വില കുത്തനേ കൂട്ടി. ഒറ്റയടിക്ക് 8 രൂപയാണ് കൂട്ടിയത്. ഇതോടെ ലിറ്ററിന് 47 രൂപയായിരുന്നത് 55 രൂപയായി വർധിച്ചു.
നവംബർ മാസം മുതൽ പുതുക്കിയ വിലയാണ് കമ്പനികൾ ഈടാക്കുന്നത്. എല്ലാ വിഭാഗം കാർഡുടമകളും പുതുക്കിയ വിലയാണ് നൽകേണ്ടി വരിക. പെട്രോളിന് 37 പൈസയാണ് കൂടിയത്. കേരളത്തിൽ പെട്രോളിന് മാത്രം കൂടിയത് 8.86 രൂപയും, ഡീസലിന് 10.33 രൂപയുമാണ് കൂടിയത്. വാണിജ്യ ആവശ്യത്തിനുള്ള പാചകവാതക സിലിണ്ടറിന് 268 രൂപയാണ് കൂടിയത്.
