ആന്ധ്രാപ്രദേശിലെ അല്ലൂരിയിൽ വൻ ലഹരി വേട്ട. പ്രദേശത്ത് നടത്തിയ പരിശോധനയിൽ 26.6 ലക്ഷം രൂപ വിലമതിക്കുന്ന 500 കിലോ കഞ്ചാവാണ് പോലീസ് പിടിച്ചെടുക്കുന്നത്. സംഭവത്തിൽ മൂന്നുപേരുടെ അറസ്റ്റ് രേഖപ്പെടുത്തിയതായും അധികൃതർ വ്യക്തമാക്കി.
നെരേടുപള്ളിയിൽ നിന്ന് അല്ലൂരി സീതാരാമരാജു ജില്ലയിലെ ബച്ചെന്തയിലേക്ക് കുതിരകൾ വഴി കഞ്ചാവ് കടത്തുന്നത് സംബന്ധിച്ച രഹസ്യാന്വേഷണ വിവരത്തിൻ്റെ അടിസ്ഥാനത്തിലായിരുന്നു പോലീസ് തിരച്ചിൽ ആരംഭിച്ചത്. മയക്കുമരുന്ന് കടത്തിയ പാംഗി സുന്ദർ റാവു, വന്ലാ ചിന്ന, പാങ്കി മാണിക്യം എന്നീ മൂന്ന് പേരെ പോലീസ് പിടികൂടി. എന്നാൽ, ഒരു പ്രതി ഓടി രക്ഷപ്പെട്ടു.
കഞ്ചാവ് ചാക്കുകൾ സൂക്ഷിച്ചിരുന്ന ബചിന്ത ഗ്രാമത്തെ ലക്ഷ്യമിട്ടാണ് ഓപ്പറേഷൻ നടത്തിയതെന്ന് ചിന്താപ്പള്ളി എഎസ്പി പ്രതാപ് ശിവ കിഷോർ പറഞ്ഞു. പിടിച്ചെടുത്ത ലഹരി വസ്ഥുക്കൾ 532 കിലോഗ്രാം ഉണ്ടെന്നും ഇവ 26.6 ലക്ഷം രൂപ വിലമതിക്കുമെന്നും അദ്ദേഹം പറഞ്ഞു.
