വിഴിഞ്ഞത്ത് സമരം ചെയ്യുന്ന മത്സ്യത്തൊഴിലാളികളെ ചര്ച്ചയ്ക്കു വിളിച്ച് സര്ക്കാര്.
മന്ത്രി വി. അബ്ദുറഹ്മാനാണ് സമരക്കാരെ ചര്ച്ചയ്ക്കു വിളിച്ചത്. അതേസമയം, ചര്ച്ചക്കായുള്ള ക്ഷണം സ്വീകരിക്കുന്നതായി തിരുവനന്തപുരം ലത്തീന് അതിരൂപതയും അറിയിച്ചു. നാളെ (വെള്ളിയാഴ്ച) ചര്ച്ച നടക്കുമെന്നാണ് സൂചന.
ഡല്ഹിയിലുള്ള മന്ത്രി അബ്ദുറഹ്മാന് തിരിച്ചെത്തിയാല് സമയം സംബന്ധിച്ച് തീരുമാനമാകും. മന്ത്രി നേരിട്ട് ലത്തീന് രൂപത അധികൃതരെ ചര്ച്ചയ്ക്കു ക്ഷണിക്കുകയായിരുന്നു. തീരദേശ മേഖലയിലെ പ്രശ്നങ്ങള് പരിഹരിക്കണമെന്നാവശ്യപ്പെട്ട് ദിവസങ്ങളായി മത്സ്യത്തൊഴിലാളികള് സമരത്തിലായിരുന്നു. സമരം അവസാനിപ്പിക്കുന്നതിന് അധികൃതരുടെ ഭാഗത്തുനിന്നും ശക്തമായ നടപടികള് ഇല്ലാത്തതിനെതിരേ പ്രതിഷേധം ശക്തമായിരുന്നു.