മുന്‍മന്ത്രി കെ ആര്‍ ഗൗരിയമ്മ(101) അന്തരിച്ചു. രാവിലെ ഏഴ് മണിക്ക് ആയിരുന്നു അന്ത്യം. തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയിലായിരുന്നു. 1957 ലെ ആദ്യ കേരള മന്ത്രിസഭയിലും അംഗമായിരുന്ന ആദ്യ കാല കമ്മ്യൂണിസ്റ്റ് നേതാവുമായിരുന്നു. കേരളത്തിലെ ഏറ്റവും വിപ്ളവകരമായ മാറ്റങ്ങൾക്കിട നല്കിയ ഭൂപരിഷ്ക്കരണ നിയമം നടപ്പാക്കിയത് കെ ആർ ഗൗരിയമ്മയായിരുന്നു. ആദ്യ മന്ത്രിസഭയിൽ തന്നെ അംഗമായിരുന്ന ടി വി തോമസായിരുന്നു ഭർത്താവ്. മക്കളില്ല. രാഷ്ട്രീയ പ്രവർത്തനത്തിന്റെ ആദ്യകാലത്ത് പോലീസിന്റെ കൊടിയ പീഢനമേറ്റിട്ടുണ്ട് ഗൗരിയമ്മ. രാഷ്ട്രീയ നിലപാടിന്റെ കാര്യത്തിലും ഭരണ കാര്യങ്ങളിലും കർശന നിലപാടുകാരിയായിരുന്നു. 1964-ൽ കമ്മ്യൂണിസ്റ്റ് പാർട്ടി പിളർന്നപ്പോൾ ഭർത്താവിന്റെ നിലപാടിനൊപ്പം നില്ക്കാതെ സ്വന്തം നിലപാടിനൊപ്പം മാർക്സിറ്റ് പാർട്ടിയിലേക്ക് മാറിയതും ചരിത്രമാണ്.
