തിരുവനന്തപുരം : സംസ്ഥാനത്ത് വാഹനപരിശോധന ശക്തമാക്കി പോലീസ് . ആലപ്പുഴയിൽ കഴിഞ്ഞ ദിവസമുണ്ടായ അനിഷ്ടസംഭവങ്ങളുടെ പശ്ചാത്തലത്തിലാണ് നടപടികളെന്ന് കേരള പോലീസ് ഫേസ്ബുക്ക് പോസ്റ്റിൽ പറയുന്നു.പ്രശ്നസാദ്ധ്യതയുള്ള മേഖലകളിൽ ആവശ്യമായ പോലീസ് പിക്കറ്റിംഗും , വാറന്റ് നിലവിലുള്ള സാമുഹ്യവിരുദ്ധരെ പിടികൂടാൻ പ്രത്യേക പദ്ധതിയും നടപ്പാക്കും . ക്രിമിനലുകളുടെ പട്ടിക തയ്യാറാക്കുകയും , കൃത്യമായ പരിശോധന നടത്തുകയും ചെയ്യും . അടുത്ത മൂന്ന് ദിവസത്തേയ്‌ക്ക് സംസ്ഥാനത്ത് ജാഥകൾ നടത്തുന്നതിനും ,ഉച്ചഭാഷിണി ഉപയോഗിക്കുന്നതിനും വിലക്കേർപ്പെടുത്തിയിട്ടുണ്ട്.
