എരുമേലി . മണിക്കുറുകളായി ശബരിമലയിലേക്ക് വാഹനങ്ങൾ കടത്തിവിടുന്നില്ലെന്ന് ആരോപിച്ച് എരുമേലിയിൽ തീർഥാടകർ റോഡ് ഉപരോധിച്ചു. സന്നിധാനത്തെ തിരക്ക് പരിഗണിച്ച് പലയിടത്തും ഗതാഗതം ക്രമീകരിച്ചിട്ടുണ്ട്. ശബരിമലയിലെ തിരക്ക് കുറയുന്ന മുറയ്ക്കു വാഹനങ്ങൾ ഇറങ്ങുന്നതിനനുസരിച്ചു മാത്രം ഇടത്താവളങ്ങളിൽനിന്ന് വാഹനങ്ങൾ കടത്തിവിട്ടാൽമതി എന്ന നിലപാടാണ് പൊലീസ് സ്വീകരിച്ചിട്ടുള്ളത്.
അതിന്റെ അടിസ്ഥഥാനത്തിൽ എരുമേലിയിൽ മണിക്കൂറുകളായി പാർക്കിങ് ഗ്രൗണ്ടിൽ വാഹനങ്ങൾ പിടിച്ചിട്ടിരിക്കുകയാണ്. ഇതോടെ തമിഴ് നാട്ടിൽനിന്നും തെലങ്കാനയിൽനിന്നും ഉൾപ്പെടെയുള്ള തീർഥാടകർ റോഡ് ഉപരോധിച്ച് പ്രതിഷേധം ആരംഭിച്ചു.
പാർക്കിങ് മൈതാനത്ത് വാഹനങ്ങൾ തടഞ്ഞതിൽ പ്രതിഷേധിച്ച് കഴിഞ്ഞ ദിവസവും സമാന രീതിയിൽ റോഡ് ഉപരോധിച്ചിരുന്നു. ഞായറാഴ്ചയും ഉച്ച കഴിഞ്ഞ് എരുമേലി വഴിയുള്ള തീർഥാടന പാതയിൽ വലിയ തിരക്കാണ് അനുഭവപ്പെടുന്നത്.