പാമ്പ് പിടിത്തക്കാര്‍ക്ക് സര്‍ട്ടിഫിക്കറ്റ് നിര്‍ബന്ധമെന്ന് വനംവകുപ്പ്. പരിശീലന പരിപാടിയില്‍ പങ്കെടുത്ത് സര്‍ട്ടിഫിക്കറ്റ് നേടുന്നവര്‍ക്ക് മാത്രമേ ഇനി പാമ്പിനെ പിടിക്കാന്‍ അനുമതിയുള്ളൂ എന്ന് വനംവകുപ്പ് വ്യക്തമാക്കി.
വാവ സുരേഷ് പരിചയ സമ്പന്നനായ പാമ്പ് പിടിത്തക്കാരനാണെങ്കിലും പാമ്പു പിടിത്തക്കാര്‍ക്കായുള്ള പരിശീലന പരിപാടിയില്‍ പങ്കെടുക്കണമെന്ന് വനംവകുപ്പ് അറിയിച്ചു.
പരിശീലന പരിപാടിയില്‍ പങ്കെടുത്ത് സര്‍ട്ടിഫിക്കറ്റ് നേടിയാലേ പാമ്പിനെ പിടിക്കാനാകൂ. അല്ലാത്തവര്‍ക്കെതിരെ വന്യജീവി സംരക്ഷണ നിയമപ്രകാരം നടപടിയെടുക്കാനാകൂവെന്ന് അരിപ്പ ഫോറസ്റ്റ് ട്രെയിനിംഗ് ഇന്‍സ്റ്റിറ്റ്യൂട്ട് ഡെപ്യൂട്ടി ഡയറക്ടര്‍ വൈ. മുഹമ്മദ് അന്‍വര്‍ പറഞ്ഞു.
വനംവകുപ്പിന്റെ ഏകദിന പരിശീലന പരിപാടിയില്‍ 21 വയസ് മുതല്‍ 65 വയസുവരെ പ്രായമുള്ളവര്‍ക്ക് പങ്കെടുക്കാം. അഞ്ച് വര്‍ഷത്തേയ്ക്കാണ് സര്‍ട്ടിഫിക്കറ്റ് നല്‍കുക
