തമിഴ്‌നാട്ടിലെ പേരമ്പല്ലൂരിൽ സ്വത്ത് തർക്കത്തെ തുടർന്ന് മകൻ്റെ മർദനമേറ്റ അച്ഛൻ മരിച്ചു.
മകൻ സന്തോഷിൻ്റെ മർദ്ദനമേറ്റ് ദിവസങ്ങൾക്ക് ശേഷം ഏപ്രിൽ 18നാണ് കുളന്തൈവേലു മരിച്ചത്.
അന്വേഷണത്തിനിടെ പുറത്തുവന്ന സിസിടിവി ദൃശ്യങ്ങളിൽ നിന്നും സന്തോഷ്, പിതാവിൻ്റെ മുഖത്ത് ആവർത്തിച്ച് അടിക്കുന്നതും കുളന്തെെവേലു രക്തം വാർന്ന് കുഴഞ്ഞുവീഴുന്നതും കാണാം. മർദ്ദനമേറ്റത് കണ്ട് മറ്റ് കുടുംബാംഗങ്ങൾ ഇടപെട്ട് സന്തോഷിനെ തടഞ്ഞു. പക്ഷേ കോപാകുലനായ സന്തോഷ് ആക്രമണം തുടരാൻ ശ്രമിക്കുന്നതും കാണാം.
ഒരു സ്വകാര്യ കമ്പനി ഉടമയായ കുലന്തൈവേലുവിൻ്റെ മരണശേഷമാണ് അദ്ദേഹത്തിൻ്റെ കുടുംബം പരാതി നൽകുകയും അന്വേഷണം ആരംഭിക്കുകയും ചെയ്ത്.
കുളന്തൈവേലുവിനെ ആശുപത്രിയിൽ പ്രവേശിപ്പിച്ചതിന് പിന്നാലെ ആക്രമണത്തിൽ നേരത്തെ കേസെടുത്തിരുന്നെങ്കിലും പിന്നീട് പിൻവലിച്ചിരുന്നു.
ഇന്ത്യൻ ശിക്ഷാ നിയമത്തിലെ (ഐപിസി) സെക്ഷൻ 323 (സ്വമേധയാ മുറിവേൽപ്പിക്കൽ), 324 (അപകടകരമായ മാർഗങ്ങളിലൂടെ സ്വമേധയാ മുറിവേൽപ്പിക്കൽ), 506 (ക്രിമിനൽ ഭീഷണിപ്പെടുത്തൽ) എന്നിവ പ്രകാരം കേസ് രജിസ്റ്റർ ചെയ്യുകയും സന്തോഷ് പിന്നീട് കേസെടുക്കുകയും ചെയ്തു.
