കേരളാ കോൺഗ്രസ് (എം) പത്തനംതിട്ട ജില്ലാ പ്രസിഡണ്ട് രാജു ജോർജ് (എൻ എം രാജു) എൽ ഡി എഫ് സ്ഥാനാർഥി ആകുമെന്ന് അഭ്യൂഹങ്ങൾ. കെ എം മാണിയുടെ വിശ്വസ്തനായ രാജു ജോർജ് ഏറെക്കാലമായി പൊതുപ്രവർത്തനരംഗത്ത് സജീവമാണ്. ജോസ് കെ മാണി രാജി വച്ച രാജ്യസഭാ സീറ്റിലേക്ക് രാജു ജോർജിനെയായിരുന്നു കേരളാ കോൺഗ്രസ് പാർട്ടി പരിഗണിച്ചിരുന്നത്. കേരളാ കോൺഗ്രസിന് പത്തനംതിട്ടയിൽ ആകെ ഒരു സീറ്റാണ് ലഭിച്ചത്. കഴിഞ്ഞ 25 വർഷക്കാലം റാന്നിയുടെ എം എൽ എ രാജു എബ്രഹാം ആയിരുന്നു.കേരള കോൺഗ്രസ്സ് എമ്മിൻറെ യുവനേതാവായ പ്രമോദ് നാരായണനെ റാന്നിയിൽ സ്ഥാനാർഥിയാക്കിക്കൊണ്ട് മുതിർന്ന നേതാവായ എൻ എം രാജുവിനെ രാജ്യസഭയിലേക്ക് പരിഗണിക്കുന്ന കാര്യവും ചർച്ചയിലുണ്ട്. അടുത്ത ദിവസം തന്നെ മണ്ഡലം ബൂത്ത് കൺവെൻഷനുകളുമായി ഇടതുമുന്നണിയുടെ തിരഞ്ഞെടുപ്പ് യന്ത്രം പ്രവർത്തിച്ച് തുടങ്ങും. കോൺഗ്രസ് നേതാവ് റിങ്കു ചെറിയാനാവും യു ഡി എഫ് സ്ഥാനാർത്ഥി.എൻ ഡി എ സ്ഥാനാർത്ഥി ബി ഡി ജെ എസ് നേതാവ് കെ പത്മകുമാറായിരിക്കുമെന്നുമാണ് അറിയാൻ കഴിയുന്നത്.