ഇറാനെതിരായ യുദ്ധത്തിൽ പങ്കുചേരാൻ ലോക നേതാക്കളോട് ആഹ്വാനം ചെയ്ത് ഇസ്രയേൽ പ്രസിഡന്റ് ബെഞ്ചമിൻ നെതന്യാഹു. വിശാലമായ രാജ്യാന്തര ഇടപെടൽ ആവശ്യമാണെന്ന് നെതന്യാഹു പറഞ്ഞു. ഇറാൻ സാധാരണക്കാരെയാണ് ലക്ഷ്യമിടുന്നതെന്നും യൂറോപ്പ് അടക്കം ആക്രമിക്കാൻ കഴിവുണ്ടെന്നാണ് ഇറാന്റെ അവകാശവാദമെന്നും നെതന്യാഹു വ്യക്തമാക്കി.
ഹോർമുസ് കടലിടുക്കിലൂടെയുള്ള ചരക്ക് നീക്കം തടയൽ, ദീർഘദൂര മിസൈൽ ശേഷി പ്രദർശിപ്പിക്കൽ, അന്താരാഷ്ട്ര ഊർജ വിതരണത്തെ അപകടത്തിലാക്കൽ, സാധാരണക്കാർക്കെതിരായ ആക്രമണം എന്നിവ ചൂണ്ടാക്കാട്ടിയാണ് നെതന്യാഹുവിന്റെ പ്രതികരണം. ഇറാൻ ലോകത്തെയാകെ അപകടത്തിലാക്കുന്നുവെന്നാണ് നെതന്യാഹു പറയുന്നത്. മറ്റ് രാജ്യങ്ങളിലെ കൂടി നേതാക്കൾ ഒന്നിച്ചു നിൽക്കുന്നത് കാണേണ്ട സമയമാണിത്. ചില രാജ്യങ്ങൾ ഇത്തരത്തിലേക്ക് നീങ്ങുന്നതിൽ എനിക്ക് സന്തോഷമുണ്ട്. എന്നാൽ കൂടുതൽ പേർ മുന്നോട്ട് വരേണ്ടത് ആവശ്യമാണ് എന്ന് അദ്ദേഹം പറഞ്ഞു.
