കോയമ്പത്തൂർ : മാങ്ങരയിൽ രണ്ടിടങ്ങളിലായുള്ള കാട്ടാന ആക്രമണത്തിൽ രണ്ടുപേർ മരിച്ചു.മാങ്ങര സ്വദേശി മഹേഷ് കുമാർ, തൂവപതിയിൽ മരുതാചലം എന്നിവരാണ് മരിച്ചത്.
കൃഷിയിടത്തിൽ ഇറങ്ങിയ ആനയെ ഓടിക്കുന്നതിനിടെ മഹേഷിനെ ആനക്കൂട്ടം തിരിച്ചോടിച്ച് ആക്രമിച്ച് കൊലപ്പെടുത്തുകയായിരുന്നു. തൂവപതിയിൽ പ്രഭാതകൃത്യം നിർവഹിക്കാനിറങ്ങിയപ്പോഴാണ് മരുതാചലത്തിന് ഒറ്റയാന്റെ ആക്രമണത്തിൽ ജീവൻ നഷ്ടമായത്.
ഇരുവരെയും ആന ആക്രമിച്ച വിവരം വൈകിയാണ് ബന്ധുക്കളറിഞ്ഞത്. ഇരുവരുടെയും മൃതദേഹം തുടർ നടപടികൾക്കായി കോയമ്പത്തൂർ മെഡിക്കൽ കോളജിലേക്ക് മാറ്റി. ഇരുവരുടെയും കുടുംബത്തിന് അടിയന്തര ധനസഹായം അനുവദിക്കുമെന്നും ആനക്കൂട്ടത്തെ തുരത്താനുള്ള ശ്രമം തുടങ്ങിയതായും തമിഴ്നാട് വനംവകുപ്പ് അധികൃതർ അറിയിച്ചു
