നിയമസഭയില്‍ ഫാഷന് ഗോള്ഡ് തട്ടിപ്പിനെ ന്യായീകരിച്ച പ്രതിപക്ഷത്തിന് മുറപടിയുമായി മുഖ്യമന്ത്രി. മുസ്ലിം ലീഗ് അംഗം എന്‍ ഷംസുദ്ധീന്‍ ആണ് തട്ടിപ്പിന് ന്യായീകരണവുമായി എത്തിയത്. ഇതുപോലൊരു തട്ടിപ്പിനെ ന്യായീകരിക്കാന്‍ പ്രതിപക്ഷത്തിന് നാണം ഉണ്ടോ എന്ന് മുഖ്യമന്ത്രി പിണറായി വിജയന്‍ ചോദിച്ചു. നാട്ടുകാരെ പറ്റിച്ച്‌ കാശ് തട്ടിയെടുത്തിട്ട് പ്രതിപക്ഷം അതിനെ ന്യായീകരിക്കുകയാണെന്ന് മുഖ്യമന്ത്രി പറഞ്ഞു.
കുറ്റവാളികളെ സംരക്ഷിക്കാന്‍ വേണ്ടി ഇങ്ങനെ പരസ്യമായി പുറപ്പെടരുത്. അത് ബിസിനസ്സ് തകര്‍ന്നതാണ് പോലും. ആളുകളെ വഞ്ചിച്ച്‌ പൈസയും തട്ടിയിട്ട് അതിനെ ന്യായീകരിക്കാന്‍ നടക്കുന്നു. നാണംവേണ്ടേ ഇത്തരം കാര്യങ്ങളില്‍. ഇതിനെല്ലാം ചൂടായില്ലെങ്കില്‍ പിന്നെ എന്തിനാണ് ചൂടാകുക?. ഇത്രയും പരസ്യമായൊരു തട്ടിപ്പ് നടന്നിട്ട് അതിനെ ന്യായീകരിക്കാന്‍ നമ്മുടേത് പോലൊരു സഭയില്‍ ഒരംഗം തയ്യാറാകുക എന്ന് പറഞ്ഞാല്‍ അതിന്റെ അര്‍ത്ഥം എന്താണെന്നും മുഖ്യമന്ത്രി ചോദിച്ചു.
