പ്രതിപക്ഷ നേതാവ് രമേശ് ചെന്നിത്തല കഥയറിയാതെ ആട്ടമാടുകയാണെന്ന് വൈദ്യുതി മന്ത്രി എം.എം. മണി. അദാനിയുമായി കെഎസ്ഇബി കരാറിൽ ഏർപ്പെട്ടെന്ന ആരോപണം തെറ്റ്. സ്വകാര്യ ഏജൻസികളുമായി കെഎസ്ഇബി കരാറിൽ ഏർപ്പെട്ടിട്ടില്ല. സംസ്ഥാന സർക്കാരിന് വൈദ്യുതി നൽകുന്നത് കേന്ദ്ര സർക്കാർ ഏജൻസിയാണെന്നും മന്ത്രി എം.എം. മണി വ്യക്തമാക്കി.
സംസ്ഥാന സർക്കാരിനെതിരെ അഴിമതി ആരോപണവുമായാണ് പ്രതിപക്ഷ നേതാവ് രമേശ് ചെന്നിത്തല ഇന്ന് രംഗത്ത് എത്തിയത്. അദാനിയുമായി കെഎസ്ഇബി 25 വർഷത്തെ കരാർ ഒപ്പിട്ടു എന്ന് അദ്ദേഹം പറഞ്ഞു. 8850 കോടി രൂപയുടെ കരാറിലാണ് അദാനിയും കെഎസ്ഇബിയും ഒപ്പിട്ടിരിക്കുന്നത് എന്നും ചെന്നിത്തല വാർത്താസമ്മേളനത്തിൽ ആരോപിച്ചു.
