ഉത്തർപ്രദേശിലെ അയോധ്യ രാമക്ഷേത്രം 2024 ന്റെ തുടക്കത്തിൽ ഭക്തർക്കായി തുറക്കാനിരിക്കെ, ക്ഷേത്രത്തിൽ സ്ഥാപിക്കുന്ന ശ്രീരാമ വിഗ്രഹത്തിന്റെ നിർമ്മാണ പ്രവർത്തനങ്ങൾ ആരംഭിച്ചു.
രാമലല്ല വിഗ്രഹത്തിന്റെ നിർമാണത്തെക്കുറിച്ചുള്ള പുതിയ വിവരങ്ങൾ ശ്രീരാമ ജന്മഭൂമി തീർത്ഥ ക്ഷേത്ര ട്രസ്റ്റ് അധികൃതർ പങ്കുവച്ചു. മൂന്ന് ശിൽപികൾ പ്രതിമ നിർമ്മാണത്തിൽ പങ്കാളികളാണെന്ന് അറിയിച്ചു.
രാം ലല്ലയുടെ പ്രതിമയുടെ നിർമ്മാണം ആരംഭിച്ചു. മൂന്ന് ശിൽപികൾ അയോധ്യയിലെ മൂന്ന് വ്യത്യസ്ത സ്ഥലങ്ങളിൽ, മൂന്ന് വ്യത്യസ്ത കല്ലുകളിൽ വിഗ്രഹങ്ങൾ നിർമ്മിക്കുന്നു,” ട്രസ്റ്റ് ജനറൽ സെക്രട്ടറി ചമ്പത് റായ് പറഞ്ഞു
