യുഎസ് സന്ദർശനത്തിനിടെ പ്രധാനമന്ത്രി നേരേന്ദ്രമോദി ടെസ്ല, ട്വിറ്റർ തുടങ്ങിയ കമ്പനികളുടെ മേധാവിയായ ശതകോടീശ്വര വ്യവസായി ഇലോൺ മസ്കിനെ കാണും. 2015 ലും യുഎസ് യാത്രക്കിടെ മോദി ടെസ് ലയുടെ കാലിഫോർണിയയിലെ ടെസ് ല ഫാക്ടറി സന്ദർശിച്ചിരുന്നു. അന്ന് പക്ഷെ മസ്ക് ട്വിറ്ററിന്റെ ഉടമ ആയിരുന്നില്ല.
ഇന്ത്യൻ വിപണിയിൽ താൽപര്യമുണ്ടെന്നും ഈ വർഷം അവസാനത്തോടെ ഇന്ത്യയിൽ ഫാക്ടറി സ്ഥാപിക്കുന്നതിനുള്ള സ്ഥലത്തിന്റെ കാര്യത്തിൽ തീരുമാനമാവുമെന്നും ദി വാൾസ്ട്രീറ്റ് ജേണലിന് നൽകിയ ഒരു അഭിമുഖത്തിൽ മസ്ക് പറഞ്ഞിരുന്നു.
ന്യൂയോർക്ക് സന്ദർശനത്തിനിടെ മോദി വിവിധ മേഖലകളിൽ നിന്നുള്ള വിവിധ മേധാവികളെയും നേതാക്കളേയും കാണുമെന്നാണ് സർക്കാർ വൃത്തങ്ങൾ വ്യക്തമാക്കുന്നത്. നൊബേൽ ജേതാക്കൾ, സാമ്പത്തിക വിദഗ്ദർ, ചിത്രകാരന്മാർ, ശാസ്ത്രജ്ഞർ, സംരംഭകർ, അക്കാദമിക രംഗത്തുള്ളവർ, ആരോഗ്യ വിദഗ്ദർ ഉൾപ്പടെയുള്ളവർ അക്കൂട്ടത്തിലുണ്ടാവും.
