സർവകലാശാല വിസിമാർ സംഘപരിവാർ പരിപാടിയിൽ പങ്കെടുത്തതിനെ ന്യായീകരിച്ച് ബിജെപി നേതാവ് വി മുരളീധരൻ എംഎൽഎ. വിസിമാർ നിയമ വിരുദ്ധമായാണ് ആർഎസ്എസ് പരിപാടിയിൽ പങ്കെടുത്തതെങ്കിൽ സർക്കാർ നിയമനടപടി സ്വീകരിക്കട്ടെയെന്ന് വി മുരളീധരൻ പറഞ്ഞു. വിസിമാർ ആർഎസ്എസ് പരിപാടിയിൽ പങ്കെടുത്തത് ഏത് മാനദണ്ഡത്തിലാണ് അപരാധമാകുന്നതെന്ന് മുഖ്യമന്ത്രിയും പ്രതിപക്ഷ നേതാവും വിശദീകരിക്കണമെന്നും വി മുരളീധരൻ ആവശ്യപ്പെട്ടു.
ആർഎസ്എസ് പരിപാടിയിൽ പങ്കെടുക്കുന്നത് ഈ രാജ്യത്തെ ഏത് നിയമത്തിന്റെ അടിസ്ഥാനത്തിലാണ് തെറ്റാകുന്നത്. ഏത് മാനദണ്ഡത്തിന്റെ അടിസ്ഥാനത്തിലാണ് വലിയ അപരാധമാണ് എന്ന് പറയുന്നത്. ‘ആർഎസ്എസ് നിരോധിക്കപ്പെട്ട സംഘടനയാണോ? രാജ്യത്ത് ഒരു സ്ഥലത്തും ആർഎസ്എസ് നിരോധിക്കപ്പെട്ടിട്ടില്ല. കേരളത്തിലെ സർവകലാശാല ചട്ടങ്ങളോ വിദ്യാഭ്യാസ നിയമമോ ആർഎസ് പരിപാടിയിൽ വൈസ് ചാൻസലർമാർ പങ്കെടുക്കാൻ പാടില്ല എന്നു പറയുന്നുണ്ടോ. മുഖ്യമന്ത്രിയും പ്രതിപക്ഷ നേതാവും ഈ കാര്യങ്ങൾ വിശദീകരിക്കണം’ – വി മുരളീധർൻ പറഞ്ഞു.
