മുതിർന്ന മാധ്യമപ്രവർത്തകനും രാഷ്ട്രീയ നിരീക്ഷകനും എഴുത്തുകാരനുമായ ബി.ആർ.പി ഭാസ്‌കർ (91) അന്തരിച്ചു. വാർധക്യസഹജമായ അസ്വസ്ഥതകളെത്തുടർന്ന് കുറച്ചുകാലമായി വിശ്രമജീവിതം നയിച്ചുവരികയായിരുന്നു.
ഭാര്യ രമ ഭാസ്കറിന്റെ മരണത്തിനുശേഷം ചെന്നൈയിലെ ഒരു കൂട്ടം ഡോക്‌ടർമാർ നടത്തിവരുന്ന വയോജന സൗഹാർദ കേന്ദ്രത്തിലേക്ക് കുറച്ചുമാസങ്ങൾക്കുമുമ്പ് കേരളത്തിൽ നിന്ന് അദ്ദേഹം താമസം മാറുകയായിരുന്നു.
