പൂഞ്ഞാർ നിയോജക മണ്ഡലത്തിലെ യുഡിഎഫ് സ്ഥാനാർത്ഥി അഡ്വ. ടോമി കല്ലാനിയുടെ തെരഞ്ഞെടുപ്പ് പ്രചാരണാർത്ഥം രാഹുൽ ഗാന്ധി ശനിയാഴ്ച എരുമേലിയിൽ എത്തും.നാളെ രാവിലെ റാന്നിയിൽ നിന്നും റോഡുമാർഗം എരുമേലി വലിയമ്പലത്തിനു സമീപം എത്തും. തുടർന്ന് സ്ഥാനാർത്ഥി ടോമി കല്ലാനിക്ക് ഒപ്പം തുറന്ന വാഹനത്തിൽ റോഡ് ഷോ നടത്തും.പിന്നീട് വാവര് പള്ളിയിലും കൊച്ചമ്പലത്തിലും ദർശനം നടത്തും.
മണ്ഡലത്തിൻ്റെ വിവിധ ഭാഗങ്ങളിൽ നിന്നായി പതിനായിരത്തിലധികം പ്രവർത്തകർ പരിപാടിയിൽ പങ്കെടുമെന്ന് ആൻ്റോ ആൻ്റണി എംപി പറഞ്ഞു.കോട്ടയം ജില്ലയിൽ എരുമേലിയിൽ മാത്രമാണ് രാഹുൽ ഗാന്ധിക്ക് പരിപാടിയുള്ളത്.എരുമേലിയുടെ മതേതര ചരിത്രവും മാനവ ഐക്യത്തിന് അതു നൽകുന്ന സന്ദേശവും കണക്കിലെടുത്ത് രാഹുൽ ഗാന്ധി തന്നെയാണ് എരുമേലി തന്നെ സന്ദർശനത്തിന് തെരഞ്ഞെടുത്തത്. എരുമേലിയിലെ പരിപാടിക്ക് ശേഷം അദ്ദേഹം ഹെലികോപ്ടർ മാർഗം പീരുമേട്ടിലേക്ക് പോകും.
