‘ആട് 3’ യുടെ ഷൂട്ടിങ്ങിനിടെ നടൻ വിനായകന് പരുക്കേറ്റു. തിരുച്ചെന്തൂരിൽ ചിത്രീകരിച്ച സംഘട്ടനരംഗങ്ങൾക്കിടെയാണ് തോൾ എല്ലിന് പരുക്കേറ്റത്. ശാരീരിക അസ്വാസ്ഥ്യത്തെ തുടർന്ന് കഴിഞ്ഞ ശനിയാഴ്ച കൊച്ചിയിലെ സ്വകാര്യ ആശുപത്രിയിൽ വിനായകൻ ചികിത്സ തേടുകയായിരുന്നു. തുടർന്ന് നടത്തിയ എം.ആർ.ഐ സ്കാനിൽ തോൾ എല്ലിന് സാരമായ ക്ഷതമുണ്ടെന്ന് കണ്ടെത്തി. ഡോക്ടർമാർ ആറാഴ്ച വിശ്രമം നിർദേശിച്ചിട്ടുണ്ട്.
അതേസമയം, വിനായകൻ ഉൾപ്പെടുന്ന ‘ആട് 3’യിൽ ജയസൂര്യ വീണ്ടും ഷാജി പാപ്പനായി എത്തുന്നു. ചിത്രത്തിന്റെ സംവിധാനം നിർവഹിക്കുന്നത് മിഥുൻ മാനുവൽ തോമസാണ്. ഫ്രൈഡേ ഫിലിം ഹൗസും കാവ്യാ ഫിലിം ഹൗസും എന്നീ ബാനറുകളിൽ വിജയ് ബാബുവും വേണു കുന്നപ്പള്ളിയും ചേർന്നാണ് ചിത്രം നിർമ്മിക്കുന്നത്.
