പ്രധാനമന്ത്രി നരേന്ദ്രമോദിയ്ക്ക് ഇന്ന് 73-ാം പിറന്നാൾ. രാജ്യവ്യാപകമായി വിപുലമായ ആഘോഷമാണ് പ്രധാനമന്ത്രിയുടെ ജന്മദിനത്തിൻ്റെ ഭാഗമായി നടക്കാൻ പോകുന്നത്. നിരവധി പ്രമുഖരാണ് മോദിക്ക് പിറന്നാൾ ആശംസകൾ അറിയിച്ച് രംഗത്ത് വരുന്നത്. ഇപ്പോഴിതാ മോദിക്ക് പിറന്നാൾ ദിനം ആശംസിച്ച് ബോളിവുഡ് സൂപ്പർതാരം ഷാരുഖ് ഖാൻ രംഗത്ത്.
ആശംസയോടൊപ്പം അവധിയെടുത്ത് കുറച്ച് ആഘോഷിക്കൂ എന്നും താരം പറഞ്ഞു. സമൂഹ മാധ്യമത്തിലൂടെയായിരുന്നു ആശംസയറിയിച്ചത്. ബഹുമാനപ്പെട്ട പ്രധാനമന്ത്രി മോദി ജിക്ക് സന്തോഷകരമായ ജന്മദിനം ആശംസിക്കുന്നു. സന്തോഷകരവും അരോഗ്യകരവുമായ ദിവസമായിരിക്കട്ടേ. ജോലിയിൽ നിന്ന് അവധിയെടുത്ത് കുറച്ച് ആഘോഷിക്കൂ, ബെസ്റ്റ് വിഷസ്.-ഷാരുഖ് ഖാൻ കുറിച്ചു.
പ്രധാനമന്ത്രിയുടെ പിറന്നാൾ ബിജെപി വിപുലമായി ആഘോഷിക്കും.കൂടുതൽ ജനക്ഷേമ പദ്ധതികൾക്ക് കേന്ദ്രസർക്കാർ ഇന്ന് തുടക്കം കുറിക്കും. ക്ഷേമ ആയുഷ്‌മാൻ ഭവ എന്ന സമഗ്ര ആരോഗ്യ സംരക്ഷണ ക്യാംപയിനാണ് ഇതിൽ ഏറ്റവും ശ്രദ്ധേയം.’സേവ പഖ്വാര’ (സേവനത്തിൻ്റെ രണ്ടാഴ്‌ച) എന്ന പേരിൽ മറ്റൊരു ക്യാംപയിനും ഇന്ന് തുടക്കമാകും. ഗാന്ധിജിയുടെ ജന്മവാർഷിക ദിനമായ ഒക്ടോബർ 2 വരെ ക്യാംപയിൻ നീണ്ട് നിൽക്കും.
