പത്തനംതിട്ട കോന്നിയിൽ ഭാര്യയെയും മകനെയും കൊലപ്പെടുത്തി ഗൃഹനാഥൻ ആത്മഹത്യ ചെയ്തു. കോന്നി പയ്യനാമണ്ണിലാണ് സംഭവം. തുണ്ടിയിൽ സോണി, ഭാര്യ റീൻ, 7 വയസ്സുള്ള മകൻ റയാൻ എന്നിവരാണ് മരിച്ചത്. സാമ്പത്തിക ബാധ്യതയാണ് കാരണമെന്നാണ് പ്രാഥമിക നിഗമനം.
സോണിക്ക് സാമ്പത്തിക പ്രതിസന്ധി ഉണ്ടായിരുന്നുവെന്നാണ് കണ്ടെത്തൽ. വിദേശത്തെ ബിസിനസിൽ മുടക്കിയ പണം നഷ്ടപ്പെട്ടതിനെ തുടർന്ന് സോണിക്ക് വിഷാദ രോഗം ബാധിച്ചിരുന്നു. ഏറെ നാളായി സോണി വിഷാദ രോഗത്തിന് ചികിത്സയിലായിരുന്നു.
