പ്രദർശന സമയം വെട്ടിക്കുറച്ചെങ്കിലും തിയറ്ററുകൾ അടയ്ക്കേണ്ടതില്ലെന്ന് ഫിയോക്ക് തീരുമാനം.കൊവിഡ് വ്യാപനമുള്ള സ്ഥലങ്ങളിൽ പ്രദർശനത്തെ കുറിച്ച് ഉടമകൾക്ക് തീരുമാനമെടുക്കാം.സർക്കാർ തീരുമാനത്തോട് സഹകരിക്കുമെന്നും തിയറ്റർ ഉടമകൾ. ഓൺലൈൻ വഴിയാണ് ഫിയോക്ക് യോഗം ചേർന്നത്.തിരക്കുള്ള രണ്ട് ഷോകളാണ് രാത്രി കർഫ്യൂ വന്നതോടെ ഒഴിവാക്കപ്പെട്ടത്.വലിയ നഷ്ടത്തിലാണ് പോകുന്നതെന്നും തിയറ്ററുടമകൾ.
പുതിയ സമയ ക്രമീകരണം നിലവിൽ വന്നതോടെ രജിഷ വിജയൻ നായികയാകുന്ന ചിത്രം ഖോ ഖോയുടെ പ്രദർശനം നിർത്തിവച്ചു. ചിത്രം ഒടിടി, ടെലിവിഷൻ പ്ലാറ്റ്ഫോമുകളിൽ പ്രദർശിപ്പിക്കുന്ന കാര്യം പരിഗണനയിലാണെന്നും സംവിധായകൻ രാഹുൽ റെജി നായർ വാർത്ത കുറിപ്പിലൂടെ വ്യക്തമാക്കി. സെക്കന്റ് ഷോ ഉൾപ്പെടെ രണ്ട് ഷോ മാറ്റിവച്ചതോടെ തിയറ്ററുകൾ വൻ നഷ്ടത്തിലാണ് പ്രദർശനം തുടരുന്നത്.