സംസ്ഥാനത്ത് മില്‍മ പാലിന് വില കൂടുന്നു . ഒരു ലിറ്റര്‍ പാലിന് ആറു രൂപ കൂട്ടാന്‍ സര്‍ക്കാര്‍ അനുമതി നല്‍കി. ഡിസംബര്‍ ഒന്നു മുതല്‍ വില ഉയര്‍ത്തുമെന്ന് മില്‍മ അറിയിച്ചു.
പാല്‍ വില വര്‍ദ്ധിപ്പിക്കണമെന്ന മില്‍മയുടെ ആവശ്യം അംഗീകരിച്ചു കൊണ്ടാണ് സര്‍ക്കാര്‍ ലിറ്ററിന് 6 രൂപ ഉയര്‍ത്താന്‍ അനുമതി നല്‍കിയത്.അടുത്ത മാസം ഒന്നു മുതല്‍ മില്‍മ പാലിനും പാലുല്‍പന്നങ്ങള്‍ക്കും വില വര്‍ദ്ധിക്കും. പാല്‍ ക്ഷാമത്തിനൊപ്പം കര്‍ഷകര്‍ക്കുണ്ടാവുന്ന കനത്ത നഷ്ടം കൂടി കണക്കിലെടുത്ത് ലിറ്ററിന് 8 രൂപ ആക്കി വില കൂട്ടണം എന്നായിരുന്നു മില്‍മയുടെ ശുപാര്‍ശ.
സര്‍ക്കാറിന്റെ അനുമതി ലഭിച്ച സാഹചര്യത്തില്‍ അടുത്ത മാസം 1 മുതല്‍ ഉപഭോക്താക്കള്‍ ലിറ്ററിന് 6 രൂപ കൂടുതല്‍ നല്‍കേണ്ടിവരും. എന്നാല്‍, കര്‍ഷകനും കൊടുക്കുന്ന ആനുകൂല്യത്തില്‍ ഒരു കുറവും വരുത്തിയിട്ടില്ലെന്ന് മില്‍മ ചെയര്‍മാന്‍ കെ എസ് മണി വ്യക്തമാക്കി. പാല്‍ വിലയില്‍ കുറഞ്ഞത് അഞ്ചു രൂപ എങ്കിലും വര്‍ധനവ് ഉണ്ടാകുമെന്ന് മന്ത്രി ജെ ചിഞ്ചുറാണി വ്യക്തമാക്കിയിരുന്നു
