പത്തനംതിട്ട ജില്ലയില്‍ രാവിലെ ഉണ്ടായത് റെക്കോഡ് മഴ.
മലയാലപ്പുഴയില്‍ ഉരുള്‍പൊട്ടി നിരവധി വീടുകളില്‍ വെള്ളം കയറി. പന്തളത്ത് കാര്‍ തോട്ടിലേക്ക് മറിഞ്ഞ അപകടമുണ്ടായെങ്കിലും ആര്‍ക്കും പരിക്കില്ല. ജില്ലയില്‍ എല്ലായിടത്തും കനത്ത മഴ തുടരുകയാണ്. റാന്നി താലൂക്കാശുപത്രിയില്‍ അത്യാഹിത വിഭാഗത്തില്‍ വെള്ളം കയറിയതിനെ തുടര്‍ന്ന് രോഗികളെ ഒഴിപ്പിച്ചു.
വെച്ചൂച്ചിറക്കടുത്ത് കൊല്ലമുള ടൗണില്‍ വെള്ളംകയറി. വ്യാപാര സ്ഥാപനങ്ങള്‍ക്കുള്ളില്‍ വെള്ളംകയറി. പമ്ബ, അച്ചന്‍കോവില്‍, മണിമല ആറുകളില്‍ ജലനിരപ്പ് ആശങ്കാപരമായി ഉയര്‍ന്നിട്ടുണ്ട്. അച്ചന്‍കോവിലാറ്റിലാണ് ഏറ്റവുമധികം ജലനിരപ്പ് ഉയര്‍ന്നിട്ടുള്ളത്.
