വർഷങ്ങളായി ഓരോ മൂന്നു മാസത്തിലും രക്തദാനം നടത്തി വരുന്ന കൊല്ലം കെ എസ് ആർ ടി സി ഡിപ്പോയിലെ ഡ്രൈവറായ നൗഷാദ് മുപ്പത്തിയൊൻപതാം രക്തദാനത്തിനായി കൊല്ലം മെഡിട്രീന ആശുപത്രിയിൽ എത്താമെന്ന് അറിയിച്ചിരുന്നതാണ്. എന്നാൽ അതെ ദിവസം ഗതാഗത ബോധവൽക്കരണത്തിൻ്റെ ഭാഗമായി കൊല്ലം ട്രാക്ക് സംഘടിപ്പിച്ച പരിപാടിയിൽ മാവേലിയായി വേഷമണിയേണ്ടി വന്നു. പിന്നെ മറ്റൊന്നും നോക്കാതെ അദ്ദേഹം മാവേലി വേഷത്തിൽ തന്നെ മെഡിട്രീനയിലേക്കെത്തുകയും, രക്തദാനം നിർവഹിക്കുകയും ചെയ്തു.
ആശുപത്രിയിലേക്ക് അപ്രതീക്ഷിതമായി കടന്നു വന്ന മാവേലി ജീവനക്കാരിലും, ആശുപത്രിയിലെത്തിയവരിലും, കുട്ടികളിലും കൗതുകമുണർത്തി. പ്രജകൾക്കൊപ്പം സെല്ഫിയെടുത്തും, ഓണാശംസകൾ നേർന്നും മാവേലി തമ്പുരാൻ മെഡിട്രീനയിൽ കുറെ സമയം ചിലവഴിച്ചു. ജോയിൻറ് ആർ ടി ഓ ശരത് ചന്ദ്രൻ, മെഡിട്രീന ഡയറക്ടർ പ്രിൻസ്, മാർക്കറ്റിംഗ്‌ ഹെഡ് രാഗേഷ്, മീഡിയ ഹെഡ് റിയാസ്, ഫിനാൻസ് ഓഫീസർ ബിജു തുടങ്ങിവരാണ് പരിപാടിയുടെ പിന്നിൽ പ്രവർത്തിച്ചത്. പ്രശസ്ത ഹൃദ്രോഗ വിദഗ്ദ്ധൻ ഡോ പ്രതാപ് കുമാറാണ് മെഡിട്രീന ഗ്രൂപ്പിനെ നയിക്കുന്നത്.
