ബിജെപിയുടെ ആദ്യഘട്ട സ്ഥാനാർഥി പട്ടികയിൽ 50 പേർ ഇടംപിടിക്കും. ക്രൈസ്തവ സഭകളും സ്ഥാനാർഥികളുടെ പേരുകൾ നേരിട്ട് ബിജെപി ദേശീയ നേതൃത്വത്തിന് കൈമാറിയതായി സൂചനയുണ്ട്. നിർണ്ണായക കേന്ദ്ര തെരഞ്ഞെടുപ്പ് സമിതി യോഗം നാളെ ചേർന്നേക്കും. അടുത്തമാസം 11ന് പ്രധാനമന്ത്രി നരേന്ദ്രമോദി കേരളത്തിൽ എത്തും. സംസ്ഥാന നിയമസഭാ തിരഞ്ഞെടുപ്പിനായുള്ള ബിജെപിയുടെ ആദ്യഘട്ട സ്ഥാനാർത്ഥി പ്രഖ്യാപനം ദിവസങ്ങൾക്കുള്ളിൽ ഉണ്ടാകും. രാജീവ് ചന്ദ്രശേഖർ, വി മുരളീധരൻ കെ സുരേന്ദ്രൻ ശോഭാ സുരേന്ദ്രൻ പത്മജ വേണുഗോപാൽ അനുപ് ആന്റണി ആർ ശ്രീലേഖ തുടങ്ങിയ പ്രമുഖരും ആദ്യ പട്ടികയിൽ ഉണ്ടാകും. ക്രൈസ്തവസഭകൾ നൽകിയ പേരുകളിൽ ചിലത് ദേശീയ നേതൃത്വം പരിഗണിക്കാനാണ് സാധ്യത.ഇത്തവണ 25 സീറ്റുകളിൽ ന്യൂനപക്ഷ വിഭാഗത്തിൽ നിന്നുള്ളവർ മത്സരിച്ചേക്കും. സ്ഥാനാർത്ഥി പ്രഖ്യാപനത്തിനായി ബിജെപിയുടെ കേന്ദ്ര തെരഞ്ഞെടുപ്പ്‌സമിതി യോഗം നാളെ ചേർന്നേക്കുമെന്നും വിവരമുണ്ട്.