നിയമസഭാ തെരഞ്ഞെടുപ്പിൽ വനിതകൾക്ക് കുടുതൽ പരിഗണ നൽകണമെന്ന ആവശ്യവുമായി മഹിള കോൺഗ്രസ്. മുന്നണിയിൽ കോൺഗ്രസ് മത്സരിക്കുന്നതിൽ ഇരുപത് ശതമാനം സീറ്റുകൾ വനിതകൾക്കായി വിട്ടുനൽകണം. ജയസാധ്യതയുള്ള പതിനാല് സീറ്റുകളെങ്കിലും സ്ത്രീകൾക്ക് നൽകണമെന്ന് ആവശ്യപ്പെട്ട് കോൺഗ്രസ് സംസ്ഥാന അധ്യക്ഷ ലതികാ സുഭാഷ്.വർഷങ്ങളായി അവസരം ലഭിക്കാത്തവർക്കും, യുവതികൾക്കും പ്രത്യേക പരിഗണന നൽകണമെന്നും ലതികാ സുഭാഷ് ആവശ്യപ്പെട്ടു .ഇത്തവണ വനിതകൾക്കായി പതിനാലു സീറ്റെങ്കിലും വേണമെന്നും അതിൽ വിജയ സാധ്യതയുള്ള സീറ്റുകളിൽ മുൻഗണ വേണമെന്നുമാണ് ആവശ്യം.2016ൽ അഞ്ചു വനിതകൾക്ക് മാത്രമാണ് കോൺഗ്രസിൽ സീറ്റ് ലഭിച്ചിരുന്നത് . ഇക്കുറി ജയസാധ്യതയുള്ള സീറ്റുകൾ ഉറപ്പാക്കാനാണ് നീക്കം. തദ്ദേശ സ്വയംഭരണ തെരഞ്ഞെടുപ്പിൽ വനിതാ സ്ഥാനാർഥികൾക്ക് വിജയിക്കാനായത് ചൂണ്ടിക്കാട്ടിയാണ് മഹിളാ കോൺഗ്രസ് സീറ്റാവശ്യം ശക്തമാക്കുന്നത്.