ചന്ദ്രനിലേക്കുള്ള യാത്രയിൽ പൊതുജനങ്ങൾക്കും പങ്കുചേരാൻ അവസരമൊരുക്കി നാസ. നേരിട്ട് പോകാൻ സാധിക്കില്ല പകരം നിങ്ങളുടെ പേരുകളാകും ചന്ദ്രനിലെത്തുക. 2026 ന്റെ തുടക്കത്തിൽ വിക്ഷേപിക്കാൻ പദ്ധതിയിട്ടിരിക്കുന്ന ആ​ർ​ട്ടെ​മി​സ് II ദൗ​ത്യ​ത്തി​ന്റെ ഭാ​ഗ​മാ​യാണ് ഈ അവസരം ഒരുങ്ങുന്നത്. ഇതിലൂടെ ഓ​റി​യോ​ൺ ബ​ഹി​രാ​കാ​ശ പേ​ട​ക​ത്തി​ൽ ച​ന്ദ്ര​നെ ചു​റ്റാ​ൻ സാധാരണകാർക്ക് പ്ര​തീ​കാ​ത്മ​ക അവസരം ലഭ്യമാകും. ഇത് സംബന്ധിച്ച വാർത്ത നാസ തന്നെയാണ് അവരുടെ എക്സ് പോസ്റ്റിലൂടെ വ്യക്തമാക്കിയത്. പേരുകൾ സമർപ്പിക്കാനുള്ള അവസരം ഇതിനോടകം നാസ ആരംഭിച്ചിട്ടുണ്ട്. ഓരോ പേരുകളും ഡിജിറ്റൽ മെമ്മറി കാർഡിൽ സൂക്ഷിക്കുകയും ദൗത്യ സമയത്ത് ഓ​റി​യോ​ൺ ബ​ഹി​രാ​കാ​ശ പേ​ട​ക​ത്തി​ൽ വയ്ക്കുകയും ചെയ്യും. നമ്മുടെ പേരുകൾ ദൗത്യത്തിനൊപ്പം ഇങ്ങനെ സഞ്ചരിക്കുന്നതോടെ നമ്മളും ഇതിന്റെ ഭാഗമായി മാറുന്നതായി നാസ വ്യക്തമാക്കി.

ആർട്ടെമിസ് ദൗത്യങ്ങളിലെ മനുഷ്യരെയും വഹിച്ചികൊണ്ടുള്ള ആദ്യത്തെ യാത്രയാണിത്. നാ​സ​യു​ടെ റീ​ഡ് വൈ​സ്മാ​ൻ, വി​ക്ട​ർ ഗ്ലോ​വ​ർ, ക്രി​സ്റ്റീ​ന കോ​ച്ച് ക​നേ​ഡി​യ​ൻ ബ​ഹി​രാ​കാ​ശ ഏ​ജ​ൻ​സി​യി​ലെ ജെ​റ​മി ഹാ​ൻ​സെ​ൻ എ​ന്നീ നാ​ല് ബ​ഹി​രാ​കാ​ശ യാ​ത്രി​ക​രാ​യി​രി​ക്കും പേ​ട​ക​ത്തി​ലു​ണ്ടാ​വു​ക. ഇവർ ചന്ദ്രനിലേക്കിറങ്ങാതെ പേടകത്തിൽ തന്നെയാകും തുടരുക എന്നാലും നാസയുടെ ദീർഘകാല പദ്ധതികളിലേക്കുള്ള നിർണായകമായ ഒരു ചുവടുവയ്പ്പാകും ആർട്ടെമിസ് II. ച​ന്ദ്ര​ൻറെ ദ​ക്ഷി​ണ ധ്രു​വ​ത്തി​ൽ മ​നു​ഷ്യ​രെ ഇ​റ​ക്കാ​ൻ പ​ദ്ധ​തി​യു​ള്ള ആ​ർ​ട്ടെ​മി​സ് III ദൗ​ത്യ​ത്തി​ന് മുന്നോടിയാണ് ആർട്ടെമിസ് ഈ. ഭാവിയിലേക്കുള്ള ദൗത്യങ്ങൾക്കും ഈ യാത്ര സഹായകരമാകും.