ആയുർവേദ മരുന്ന് നിർമ്മാണ സ്ഥാപനമായ ഔഷധിയുടെ നവീകരിച്ച ഫാക്ടറി, അഡ്മിനിസ്ട്രേറ്റീവ് ബ്ലോക്ക്, രസൗഷധികളുടെ നിർമ്മാണ യൂണിറ്റ് എന്നിവയുടെ ഉദ്ഘാടനം ആരോഗ്യമന്ത്രി വീണ ജോർജ് നിർവഹിച്ചു. തൃശ്ശൂർ കുട്ടനല്ലൂരിലെ ഔഷധിയിലായിരുന്നു ചടങ്ങുകൾ. ചെയർപേഴ്സൺ ശോഭന ജോർജ് അധ്യക്ഷത വഹിച്ചു. ഔഷധി അഭിമാനത്തിന്റെയും ഇച്ഛാശക്തിയുടെയും പ്രതീകമാണെന്ന് വീണ ജോർജ് പറഞ്ഞു. 2024 25 കാലഘട്ടത്തിൽ സ്ഥാപനം അതിന്റെ എക്കാലത്തെയും വലിയ വിറ്റുവരവായ 222 കോടി രൂപ രേഖപ്പെടുത്തിയെന്നും മന്ത്രി പറഞ്ഞു. യോഗത്തിൽ ഔഷധി മാനേജിങ് ഡയറക്ടർ ഡോ. ടി കെ ഹൃദിക്കും പങ്കെടുത്തു.
