ആയുര്വേദ തിരുമ്മല് കേന്ദ്രത്തിലെ ജീവനക്കാരിയെ സഹപ്രവര്ത്തകന് മര്ദിക്കുകയും ലൈംഗികാതിക്രമത്തിന് ശ്രമിച്ചതായും പരാതി. കൊച്ചി കലൂരില് പ്രവര്ത്തിക്കുന്ന ആയുര്വേദ തിരുമ്മല് കേന്ദ്രത്തിലാണ് സംഭവം
കണ്ണൂര് പയ്യാവൂര് സ്വദേശിയായ അജിത്ത് നാരായണനെതിരെയാണ് പരാതി. അജിത്ത് നാരായണന് മര്ദിക്കുന്നതിന്റെ സി സി ടി വി ദൃശ്യങ്ങളടക്കമാണ് യുവതി പോലീസില് പരാതിപ്പെട്ടത്. അതേസമയം ലൈംഗികാതിക്രമം നടത്തിയിട്ടും പോലീസ് പ്രതിയെ പിടികൂടാതെ ഒളിച്ചുകളിക്കുകയാണെന്ന് യുവതി ആരോപിക്കുന്നു.
ഇക്കഴിഞ്ഞ തിങ്കളാഴ്ചയായിരുന്നു സംഭവം. തിരുമ്മല് കേന്ദ്രത്തിലെത്തിയ ക്ലയന്റ് പരാതിപ്പെട്ടെന്ന് ആരോപിച്ച് യുവതിയുടെ സഹപ്രവര്ത്തകനായ അജിത്ത് നാരായണൻ ക്ഷോഭിക്കുകയും തുടര്ന്ന് യുവതിയുമായി വാക്കുതര്ക്കമുണ്ടാവുകയുമായിരുന്നു.
ഇതിന് പിന്നാലെ. യുവതിയുടെ മുഖത്തടിക്കുകയും കയറിപ്പിടിക്കാന് ശ്രമിക്കുകയും ചെയ്തുവെന്നാണ് പരാതി.
