എരുമേലി കെ എസ് ആർ ടി സി ജീവനക്കാരും യാത്രക്കാരുമാണ് അപസ്മാരം വന്ന യാത്രികന് ശുശ്രൂഷ നല്കി മാതൃകയായത്. കണ്ട്ക്ടറേയും ഡ്രൈവറേയും പ്രശംസിച്ചുള്ള യാത്രക്കാരന്റെ കുറുപ്പ് വൈറലാകുന്നു.എരുമേലി ഡിപ്പോയിലെ ഡോക്ടർ കണ്ടക്ടർ ജയ്സൺ ജോസഫും ഡ്രൈവർ പി.ആർ ഷിജുവുമാണ് ഏവരുടേയും പ്രശംസ നേടിയത്.ഡോക്ടർ ജയ്സൺ കണയങ്കൽ സർവ്വീസിനിടെ കനത്ത മഴയെ തുടർന്നുണ്ടായ മല വെള്ളപ്പാച്ചിലിൽ പെട്ട കുടുംബത്തെ രക്ഷിച്ചും വാർത്തകളിൽ ഇടം നേടിയിട്ടുണ്ട്.യാത്രക്കാരന്റെ കുറുപ്പ് ചുവടെ:-

ഇന്നു ഞാൻ വൈറ്റില hub ഇൽ നിന്നും,2.10 പിഎം നു പോരുന്ന എരുമേലി -തുലപ്പള്ളി( F P)KSRTC ബസ് ഇൽ പിറവത്തേക്ക് യാത്ര ചെയ്ത സമയം, യാത്രക്കിടയിൽ ഒരു യാത്രകാരനു (ഏകദേശം 20 or 22 വയസു പ്രായം )ഇടക്കുവച്ചു അപസ്മാരം ഉണ്ടായപ്പോൾ പെട്ടെന്ന് തന്നെ ഡ്രൈവർ നോട് പറഞ്ഞു വണ്ടി നിറുത്തിക്കുകയും, തന്നാൽ കഴിയുന്ന വിധത്തിൽ എല്ലാം പ്രഥമ ശുശ്രുഷനൽകാൻ ശ്രമിക്കുകയും ചെയ്തു, അപ്പോഴേക്കും മറ്റു യാത്രകരും കണ്ടക്ടർ ടെ ഒപ്പം കൂടി, തുടർന്ന് വണ്ടി ഏതാനും കുറച്ചു കിലോമീറ്റർ അകലെയുള്ള A P വർക്കി ആശുപത്രിയിൽ എത്തിക്കുകയും ചെയ്തു, അതുമാത്രമല്ല ആ യാത്രകാരനെ ആശുപത്രിയിൽ ആക്കി ഡോക്ടർ കാണുന്നത് വരെ അവിടെ ഡ്രൈവർ ഉം കണ്ടക്ടർ ഉം അതോടൊപ്പം തന്നെ ബസ് ഇൽ ഉണ്ടായിരുന്ന പകുതിയോളം ആളുകളും ഹോസ്പിറ്റലിൽ വെയ്റ്റി ചെയ്തു, ശരിക്കും ഇങ്ങനെ ഉള്ള KSRTC ജീവനക്കാർ ആണ് നമുക്ക് വേണ്ടത്….. എത്ര പ്രശംസിച്ചാലും മതിയാകില്ല ഇവരെ….. എല്ലാ KSRTC ജീവനക്കാരും ഇവരെ മാതൃക ആകേണ്ടതാണ്…. ഈ കണ്ടക്ടർ ടെ പേര് ജെയ്സൺ ജോസഫ്, ഡ്രൈവർ ഷിജു P R, ഡിപ്പോ എരുമേലി