മുൻ മുഖ്യമന്ത്രിയും മുതിർന്ന സിപിഎം നേതാവുമായ വി എസ് അച്യുതാനന്ദൻ കോവിഡ് വാക്സിൻ സ്വീകരിച്ചു. തിരുവനന്തപുരം ജനറൽ ആശുപത്രിയിലെത്തിയാണ് വി എസ് കോവിഡ് വാക്സിൻ സ്വീകരിച്ചത്.
പ്രായാധിക്യത്തെ തുടർന്നുള്ള ശാരീരിക അവശതകളെ തുടർന്ന് മകൻ അരുൺകുമാറിന്റെ വീട്ടിൽ വിശ്രമത്തിലാണ് വി എസ് ഇപ്പോൾ. ഭരണപരിഷ്‌കാര കമ്മീഷൻ ചെയർമാൻ പദവിയും വി എസ് രാജിവെച്ചിരുന്നു.നേരത്തെ മുഖ്യമന്ത്രി പിണറായി വിജയൻ, ആരോഗ്യമന്ത്രി കെ കെ ശൈലജ, മന്ത്രിമാരായ ഇ ചന്ദ്രശേഖരൻ, രാമചന്ദ്രൻ കടന്നപ്പള്ളി തുടങ്ങിയവർ ആശുപത്രികളിലെത്തി കോവിഡ് വാക്സിൻ കുത്തിവയ്പ് എടുത്തിരുന്നു.
