വാഹനങ്ങളുടെ ഫിറ്റ്നസ് ഇനി മോട്ടോര്വാഹന വകുപ്പ് ഓഫീസര്മാര് പരിശോധിക്കില്ല. ഓട്ടോമേറ്റഡ് ടെസ്റ്റിങ് സെന്ററില് യന്ത്രങ്ങള് നോക്കും. 2023 മാര്ച്ചോടെ ഇതിന് തുടക്കമാകും. കേന്ദ്ര ഉപരിതല ഗതാഗത മന്ത്രാലയം ഇതുസംബന്ധിച്ച് കരട് വിജ്ഞാപനമിറക്കി.
നിലവില് ഓണ്ലൈനില് ഫീസടച്ച് ടെസ്റ്റിങ് ഗ്രൗണ്ടില് വാഹനങ്ങളുമായി എത്തി മോട്ടോര് വെഹിക്കിള് ഇന്സ്പെക്ടര്മാര് പരിശോധിച്ച് ഫിറ്റ്നസ് നല്കും. ഈ രീതിക്കാണ് ഇനി മാറ്റം വരിക.
സെന്ററുകളില് കംപ്യൂട്ടര് സാങ്കേതികത്വമുള്ള മെഷീന് വാഹനങ്ങളുടെ ക്ലച്ച്, ബ്രേക്ക് ഉള്പ്പെടെ പരിശോധിച്ച് സര്ട്ടിഫിക്കറ്റ് നല്കും
പുകപരിശോധനാ കേന്ദ്രങ്ങള്പോലെ ടെസ്റ്റിങ് സെന്ററുകള് സ്വകാര്യമേഖലയില് നല്കാനുള്ള സാധ്യതയും ഇതിലുണ്ട്. പരിവാഹന് സോഫ്റ്റ്വേറും പുകപരിശോധനാകേന്ദ്രങ്ങളും ബന്ധിപ്പിച്ചതുപോലെ ടെസ്റ്റിങ് സെന്ററുകളും ലിങ്ക് ചെയ്യും.
ഇരുചക്രവാഹനം, കാര്, സ്വകാര്യ ഓട്ടോ തുടങ്ങിയവയുടെ ഫിറ്റ്നസ് കാലാവധി 15 വര്ഷമാണ്. ഓട്ടോ, ടാക്സി, ബസ് അടക്കമുള്ളവ വര്ഷാവര്ഷം പുതുക്കണം.
