ഉത്തരാഖണ്ഡിലെ കേദാർനാഥ് ക്ഷേത്രത്തിൽ ദർശനത്തിനായി വരിനിന്ന ഭക്തർക്കു ചായ വിതരണം ചെയ്ത് കോൺഗ്രസ് നേതാവ് രാഹുൽ ഗാന്ധി. ക്ഷേത്രത്തിൽ ദർശനം കഴിഞ്ഞെത്തിയതിനു പിന്നാലെയായിരുന്നു രാഹുൽ വരിനിൽക്കുന്നവർക്കു ചായ വിതരണം ചെയ്തത്.
രാഹുലിന്റെ അപ്രതീക്ഷിത “എൻട്രിയിൽ ക്ഷേത പരിസരത്തുണ്ടായിരുന്നവർ ഞെട്ടുകയും സെൽഫി ആവശ്യവുമായി രാഹുലിനെ സമീപിക്കുകയും ചെയ്തു. “സർ, നിങ്ങളെ ഞങ്ങൾ ടിവിയിൽ കാണാറുണ്ട്. ഇതാദ്യമായാണ് നേരിൽ കാണുന്നത്. ഞാനൊരു സെൽഫി എടുത്തോട്ടെ’-രാഹുൽ ഗാന്ധി ചായ നൽകിയവരിൽ ഒരാൾ ചോദിച്ചു. രാഹുൽ ഗാന്ധിയുടെ മുന്നുദിവസത്തെ ഉത്തരാഖണ്ഡ് സന്ദർശനം ഇന്നലെയാണു ആരംഭിച്ചത്.
