സിപിഎം നേതാവും ഡിവൈഎഫ്ഐ കേന്ദ്ര കമ്മിറ്റി അംഗവുമായ ജെയ്ക്ക് സി തോമസിനും ഭാര്യ ഗീതു തോമസിനും കുഞ്ഞ് പിറന്നു. ചൊവ്വാഴ്‌ചയാണ് ഗീതു ആൺകുഞ്ഞിന് ജന്മം നൽകിയത്. കഴിഞ്ഞ പുതുപ്പള്ളി ഉപതെരഞ്ഞെടുപ്പിൽ എൽഡിഎഫ് സ്ഥാനാർഥിയായിരുന്നു ജെയ്ക്ക്. തെരഞ്ഞെടുപ്പ് സമയം ഗർഭിണിയായിരുന്ന ഗീതുവിനെതിരെ നടന്ന സൈബർ ആക്രമണം വലിയ ചർച്ചയായിരുന്നു. സമൂഹ മാധ്യമങ്ങളിലൂടെ അപമാനിച്ചുവെന്ന് ചൂണ്ടിക്കാട്ടി ഗീതു പോലീസിൽ പരാതി നൽകിയതും വാർത്തയായിരുന്നു.
കോട്ടയം സിഎംഎസ് കോളേജിലെ വിദ്യാർഥികളായിരുന്ന ഇരുവരും 2019 ഒക്ടോബർ 19നാണ് വിവാഹിതരായത്. ചെങ്ങളം സ്രാമ്പിക്കൽ എസ്.ജെ.തോമസിന്റെയും ലീന തോമസിന്റെയും മകളാണ് ഗീതു. പരേതനായ ചിറയിൽ എം.ടി.തോമസിന്റെയും അന്നമ്മ തോമസിൻ്റയും മകനാണ് ജെയ്ക്ക്.
