സംസ്ഥാനത്തു അതിതീവ്ര മഴയ്ക്ക് സാധ്യത. ഇന്നും നാളെയും 10 ജില്ലകളിലാണ് റെഡ് അലേര്ട്ട് നല്കിയിരിക്കുന്നത്.
ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, വയനാട് ജില്ലകളിലാണ് റെഡ് അലേര്ട്ട്.
അതേസമയം തിരുവനന്തപുരം, കൊല്ലം, പത്തനംതിട്ട, കാസര്ഗോഡ് ജില്ലകളില് ഓറഞ്ച് അലേര്ട്ടുമാണ് നല്കിയിരിക്കുന്നത്.
മഴക്കെടുതിയെ നേരിടാന് സംസ്ഥാനത്ത് എല്ലാ മുന്നൊരുക്കങ്ങളും പൂര്ത്തിയായെന്ന് സംസ്ഥാന ദുരന്തനിവാരണ അതോറിറ്റി സെക്രട്ടറി ശേഖര് കുര്യാക്കോസ് അറിയിച്ചിട്ടുണ്ട്.
