വര്ക്കല ചെറുന്നിയൂരില് ഇരുനില വീടിന് തീപിടിച്ച് പിഞ്ച് കുഞ്ഞ് ഉള്പ്പെടെ അഞ്ചുപേര് മരിച്ചു. പ്രതാപന്(62), ഷേര്ളി(53), മകന് അഖില്(25), മൂത്തമകന് നിഖിലിന്റെ ഭാര്യ അഭിരാമി(24), എട്ട് മാസം പ്രായമുള്ള കുഞ്ഞ് എന്നിവരാണ് മരിച്ചത്. നിഖിലിന് ഗുരുതരമായി പരിക്കേറ്റു.
ഇയാളെ തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി. തീപിടിത്തത്തിന് കാരണം ഷോര്ട്ട് സര്ക്യൂട്ടാണെന്നാണ് പ്രാഥമിക നിഗമനം.
ചെറുന്നിയൂര് ബ്ലോക്ക് ഓഫിസിന് സമീപം ഇന്ന് പുലര്ച്ചെയായിരുന്നു സംഭവം. തീ ഉയരുന്നത് കണ്ട് നാട്ടുകാര് ഫയര്ഫോഴ്സിനെയും പൊലീസിനെയും വിവരമറിയിക്കുകയായിരുന്നു.
ഇവരെത്തി തീയണച്ചപ്പോഴേയ്ക്കും അഞ്ച് പേരും മരിച്ചു. എല്ലാ മുറികളിലും എസി പ്രവര്ത്തിപ്പിച്ചിരുന്നു. ഇതില് നിന്നുണ്ടായ ഷോര്ട്ട് സര്ക്യൂട്ടാണോയെന്ന് അന്വേഷിക്കുന്നുണ്ട്.
വര്ക്കല പുത്തന് ചന്തയിലെ പച്ചക്കറി വ്യാപാരിയാണ് പ്രതാപന് മൂന്ന് ആണ് മക്കള്ക്കും കുടുംബത്തിനുമൊപ്പമാണ് ചെറുന്നിയൂരില് താമസിച്ചിരുന്നത്. സംഭവ സമയത്ത് ഒരു മകന് മുംബൈയിലായിരുന്നു. മൃതദേഹങ്ങള് പോസ്റ്റുമോര്ട്ടത്തിന് ശേഷം സംസ്കരിക്കും.
