മലയാള സിനിമയിലെ സ്ത്രീകള് അനുഭവിക്കുന്ന പ്രശ്നങ്ങളെക്കുറിച്ച് പഠിക്കാൻ നിയോഗച്ച ഹേമ കമ്മിറ്റിയുടെ റിപ്പോർട്ട് പുറത്ത്.
സിനിമാമേഖലയില് വ്യാപക ലൈംഗിക ചൂഷണമെന്ന് ഹേമ കമ്മിറ്റി റിപ്പോർട്ടില് ചൂണ്ടിക്കാണിക്കുന്നു. അവസരം കിട്ടാൻ വിട്ടുവീഴ്ച ചെയ്യണമെന്നും വഴിവിട്ട കാര്യങ്ങള് ചെയ്യാൻ സംവിധായകരും നിർമ്മാതാക്കളും നിർബന്ധിക്കുമെന്നും റിപ്പോർട്ടില് പരാമർശിക്കുന്നു. ജൻഡർ ജസ്റ്റിസ് വേണമെന്നാണ് റിപ്പോർട്ടിന്റെ പ്രധാന ആവശ്യം. നൂറ്റാണ്ടുകളായി കുത്തക പോലെ ആണ് അധികാരം മലയാള സിനിമയിലുണ്ടെന്ന് റിപ്പോർട്ട്.
ആദ്യം സിനിമയില് എത്തുമ്ബോള് തന്നെ ലൈംഗിക ആവശ്യങ്ങള് പെണ്കുട്ടികള് നേരിടേണ്ടി വരുന്നുണ്ട്. വിട്ടുവീഴ്ച ചെയ്യാൻ തായാറാകുന്നവർ അറിയപ്പെടുക കോഡ് പേരുകളിലെന്ന് ഹേമ കമ്മിറ്റി റിപ്പോർട്ട് കണ്ടെത്തി. 233 പേജുകളാണ് സർക്കാർ പുറത്തുവിട്ടിരിക്കുന്നത്. സിനിമയുടെ ഉള്ളടക്കത്തില് ജണ്ടർ ജസ്റ്റിസ് ഉറപ്പാക്കണമെന്ന് റിപ്പോർട്ടില് പറയുന്നു.
സെറ്റില് ഇതിനായി ഇടനിലക്കാരുണ്ടെന്നും റിപ്പോർട്ട്. സ്ത്രീകളെ സ്ക്രീനില് ചിത്രീകരിക്കുന്നതില് വലിയ പ്രശ്നം. സിനിമാ ലൊക്കേഷനില് വള്ഗർ കമന്റ്സ് നേരിടുന്നു. സിനിമാ മേഖലയില് പുറംമൂടി മാത്രമേയുള്ളൂ. തൊഴിലിടങ്ങളിലും യാത്രാവേളകളിലും താമസ ഇടങ്ങളിലും അടക്കം നടിമാർ ലൈംഗിക ചൂഷണത്തിന് വിധേയരാകുന്നുണ്ടെന്ന് റിപ്പോർട്ട്. ലൈംഗിക താല്പര്യത്തിന് വഴങ്ങാത്ത നടിമാർ ടോർച്ചറിനു വിധേയരാകുന്നു. മദ്യം മയക്കുമരുന്ന് ലഹരി ഉപയോഗിച്ച് മോശമായി പെരുമാറുന്നു. വേതനത്തില് വിവേചനം നേരിടുന്നുണ്ടെന്നും റിപ്പോർട്ടില് പറയുന്നു. താരങ്ങളെ ബഹുമാനിക്കാത്തവരെ സിനിമാ മേഖലയില് നിന്നും വിലക്കുന്നുവെന്ന് റിപ്പോർട്ടില് വെളിപ്പെടുത്തല്.
