ബിജെപിക്ക് വോട്ട് ചെയ്തതിന്റെ പേരില് ആരെയും വേട്ടയാടാന് സിപിഐഎമ്മിനെ അനുവദിക്കില്ലെന്നും എസ്എന്ഡിപി യോഗത്തിനെതിരായ ഭീഷണി സിപിഐഎം അവസാനിപ്പിക്കുന്നതാണ് നല്ലതെന്നും ബിജെപി സംസ്ഥാന അധ്യക്ഷന് കെ സുരേന്ദ്രന്.
നഗ്നമായ ന്യൂനപക്ഷ പ്രീണനമാണ് ഇടതുപക്ഷത്തിന്റെ അടിത്തറ തകര്ത്തത്. അതിന് ഭൂരിപക്ഷ വിഭാഗങ്ങളുടെ നെഞ്ചത്ത് കയറിയിട്ട് കാര്യമില്ലെന്നും സുരേന്ദ്രന് ആരോപിച്ചു. സിപിഐഎം നല്കുന്ന സന്ദേശം ന്യൂനപക്ഷ പ്രീണനം തുടരുമെന്നാണ്. ഇതോടെ അടിസ്ഥാന ജനവിഭാഗങ്ങളും പാരമ്ബര്യമായി സിപിഐഎമ്മിനെ പിന്തുണയ്ക്കുന്നവരും കൂടി അവരെ കൈവെടിയും. അതിന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ ആക്ഷേപിച്ചിട്ടു കാര്യമില്ലെന്നും ബിജെപി സംസ്ഥാന അധ്യക്ഷന് പറഞ്ഞു.
വെള്ളാപ്പള്ളിയെയും കുടുംബത്തെയും വളഞ്ഞിട്ടാക്രമിക്കുകയാണ് സിപിഐഎം. ഇത് അനുവദിച്ചു കൊടുക്കാന് ബിജെപിക്ക് സാധിക്കില്ല. ഈഴവര് എല്ലാകാലത്തും പിന്തുണയ്ക്കുമെന്ന സിപിഐഎമ്മിന്റെ മിഥ്യാധാരണ ലോക്സഭാ തിരഞ്ഞെടുപ്പോടെ അവസാനിച്ചു.
