കോട്ടയം: എംസി റോഡിൽ പള്ളം മാവിളങ്ങിൽ നിയന്ത്രണം നഷ്ടമായ കാർ റോഡരികിൽ നിർത്തിയിട്ട മറ്റൊരു കാറിൽ ഇടിച്ച് മറിഞ്ഞ് ഒരാൾ മരിച്ചു. തിരുവനന്തപുരം കാട്ടാക്കട സ്വദേശി അനീഷ (54) യാണ് മരിച്ചത്.
ഞായറാഴ്ച്ച രാവിലെ ആറുമണിയോടെ മാവിളങ് ജംഗ്ഷനിലെ പെട്രോൾ പമ്പിനു സമീപത്തായിരുന്നു അപകടം. ഡ്രൈവർ ഉറങ്ങിപ്പോയതാണ് അപകടത്തിനു കാരണമെന്നാണ് സംശയം.
അനീഷയുടെ മരുമകൻ നൗഷാദാണ് കാർ ഓടിച്ചിരുന്നത്. ഒപ്പമുണ്ടായിരുന്ന പീർമുഹമ്മദിനെ പരിക്കുകളോടെ ആശുപതിയിൽ പ്രവേശിച്ചിച്ചു. ചികിത്സയുടെ ഭാഗമായി ഡോക്ടറെ കാണാൻ തൃശ്ശൂരിലേക്ക് പോകുംവഴിയാണ് അപകടം. ചിങ്ങവനം പൊലീസ് കേസെടുത്തു.
