ഐപിഎല്ലില്‍ ഇന്ന് ചെന്നൈ സൂപ്പര്‍ കിംഗ്‌സ് ലക്‌നൗ സൂപ്പര്‍ ജയന്റ്‌സിനെ നേരിടും. സീസണിലെ ആദ്യ ജയം തേടിയാണ് ഇരുടീമുകളും ഇറങ്ങുക. ആദ്യ മത്സരത്തില്‍ ചെന്നൈ കൊല്‍ക്കത്തയോടും ലക്‌നൗ ഗുജറാത്തിനോടും പരാജയപ്പെട്ടിരുന്നു. കൊല്‍ക്കത്തയ്‌ക്കെതിരായ ആദ്യ മത്സരത്തില്‍ 4 ഓവറില്‍ 20 റണ്‍സ് വഴങ്ങിയ ബ്രാവോ 3 വിക്കറ്റുകള്‍ വീഴ്ത്തിയിരുന്നു. 2013ല്‍ നടന്ന ഐപിഎല്ലില്‍ 32 വിക്കറ്റുകള്‍ വീഴ്ത്തി മലിംഗ റെക്കോര്‍ഡിട്ടിരുന്നു.

കഴിഞ്ഞ സീസണില്‍ ആര്‍സിബിയുടെ ഹര്‍ഷല്‍ പട്ടേലും 32 വിക്കറ്റുകള്‍ വീഴ്ത്തി ബ്രാവോയുടെ റെക്കോര്‍ഡിന് ഒപ്പമെത്തിയിരുന്നു. രണ്ട് തവണ പര്‍പ്പിള്‍ ക്യാപ്പ് നേടാനും ബ്രാവോയ്ക്ക് സാധിച്ചിട്ടുണ്ട്. ബ്രാവോയ്ക്ക് പുറമെ ഭുവനേശ്വര്‍ കുമാര്‍ മാത്രമാണ് രണ്ട് തവണ പര്‍പ്പിള്‍ ക്യാപ്പ് നേടിയ മറ്റൊരു താരം.

ഐപിഎല്ലില്‍ ഏറ്റവും കൂടുതല്‍ വിക്കറ്റുകള്‍ നേടുന്ന താരമെന്ന റെക്കോര്‍ഡ് സ്വന്തമാക്കാന്‍ ചെന്നൈയുടെ ഡ്വെയ്ന്‍ ബ്രാവോയ്ക്ക് 1 വിക്കറ്റാണ് വേണ്ടത്. നിലവില്‍ ബ്രാവോ മുന്‍ മുംബൈ ഇന്ത്യന്‍സ് താരം ലസിത് മലിംഗയുടെ റെക്കോര്‍ഡിന് ഒപ്പമെത്തിയിരിക്കുകയാണ്. ഇരുവരും 170 വിക്കറ്റുകളാണ് സ്വന്തമാക്കിയത്. നേട്ടം സ്വന്തമാക്കാന്‍ മലിംഗയ്ക്ക് 122 മത്സരങ്ങളാണ് വേണ്ടി വന്നതെങ്കില്‍ ബ്രാവോയ്ക്ക് 152 മത്സരങ്ങളാണ് ആവശ്യമായി വന്നത്.