എസ്എൻഡിപി യോഗം ആർക്കും പിന്തുണ നൽകിയുള്ള ഒരു തീരുമാനവും എടുത്തിട്ടില്ലെന്ന് വെള്ളാപ്പള്ളി നടേശൻ. ശക്തമായ ത്രികോണ മത്സരമാണ് നിലവിൽ നടക്കുന്നത്. 50 ശതമാനത്തിലധികം പോളിംഗ് ഉച്ചയ്ക്ക് മുൻപ് തന്നെ നടന്നുകഴിഞ്ഞു. ആർക്ക് അനുകൂലമെന്ന് പറയാനാകില്ല. തുടർഭരണം വരുമോ ഇല്ലയോ എന്ന് പറയാൻ സാധിക്കില്ലെന്നും വെള്ളാപ്പള്ളി നടേശൻ പറഞ്ഞു. വോട്ട് രേഖപ്പെടുത്തിയശേഷം മാധ്യമങ്ങളെ കാണുകയായിരുന്നു വെള്ളാപ്പള്ളി നടേശൻ.
മുഖ്യമന്ത്രിയാകാൻ ഒരുപാട് പേർ ഷർട്ടും തയിച്ച് നടക്കുന്നുണ്ട്. ആരൊക്കെ ആകും ആരൊക്കെ ആകില്ല എന്ന് ഒന്നും പറയാനാകില്ല. എസ്എൻഡിപി യോഗം ആർക്കും ഒരു പിന്തുണയും നൽകിയുള്ള തീരുമാനം എടുത്തിട്ടില്ല. ഒരു സ്ഥാനാർത്ഥിക്കും പിന്തുണ കൊടുക്കണമെന്ന തീരുമാനം ഇതുവരെയില്ലെന്നും വെള്ളാപ്പള്ളി നടേശൻ പറഞ്ഞു.
