തൃശ്ശൂര് നിയോജകമണ്ഡലത്തില് എല്ഡിഎഫ് സ്ഥാനാര്ത്ഥി പി ബാലചന്ദ്രന് മുന്നേറുന്നു. വോട്ടെണ്ണല് ആരംഭിച്ച് രണ്ട് മണിക്കൂര് പിന്നിടുമ്പോള് എന്ഡിഎ സ്ഥാനാര്ത്ഥി സുരേഷ് ഗോപിയേയും യുഡിഎഫ് സ്ഥാനാര്ത്ഥി പത്മജ വേണുഗോപാലിനേയും പിന്നിലാക്കിക്കൊണ്ടാണ് എല്ഡിഎഫിന്റെ മുന്നേറ്റം. നിലവില് 904 വോട്ടിന് മുന്നിലാണ് പി ബാലചന്ദ്രന്. നിലവില് ലീഡ് നിലയില് തൃശ്ശൂര് ജില്ലയിലെ 13 മണ്ഡലങ്ങളിലും എല്ഡിഎഫ് ആണ് മുന്നേറുന്നത്
കേരളത്തില് നിയമസഭാ തെരഞ്ഞെടുപ്പ് വോട്ടെണ്ണല് പുരോഗമിക്കുകയാണ്. തപാല് വോട്ടുകളാണ് ആദ്യം എണ്ണിയത്. രാവിലെ എട്ട് മണിയോടെ വോട്ടെണ്ണല് ആരംഭിച്ചു. വോട്ടെണ്ണല് ആരംഭിച്ച് രണ്ട് മണിക്കൂറുകള് പിന്നിടുമ്പോള് 90 നിയോജകമണ്ഡലങ്ങളില് എല്ഡിഎഫ് ആണ് മുന്നേറുന്നത്. 48 മണ്ഡലങ്ങളില് യുഡിഎഫും രണ്ട് മണ്ഡലങ്ങളില് എന്ഡിഎയും മുന്നേറുന്നു.