യുവതാരം ഷെയ്ന്‍ നിഗവും നിമിഷയും ഒരുമിച്ചെത്തുന്ന ഈട മികച്ച രീതിയില്‍ മുന്നേറുകയാണ്. കണ്ണൂര്‍ രാഷ്ട്രീയത്തിന്റെ പശ്ചാത്തലത്തില്‍ തയാറാക്കിയ ചിത്രത്തിനു മികച്ച പ്രതികരണമാണ് കിട്ടിക്കൊണ്ടിരിക്കുന്നത്. ഇതിനിടയില്‍ ഷെയിന്‍ തന്റെ ഇഷ്ടങ്ങളെക്കുറിച്ച് ഒരു മാധ്യമത്തോട് പറഞ്ഞത് ഇങ്ങനെ. ചെയ്തിരിക്കുന്ന കഥാപാത്രങ്ങള്‍ എല്ലാം യാഥാര്‍ത്ഥ്യങ്ങളുമായി ബന്ധപ്പെട്ടു നില്‍ക്കുന്നതാണ്. എന്നാല്‍ തന്റെ ഇഷ്ടം ഫാന്‍സിയാണ് എന്നു ഷെയ്ന്‍ പറയുന്നു.എന്നെങ്കിലും ഒരു ചിത്രം സംവിധാനം ചെയ്യുകയാണെങ്കില്‍ തീര്‍ച്ചയായും അങ്ങനെ ഒരു സിനിമ മാത്രമേ ചെയ്യൂവെന്ന് ഷെയ്ന്‍ പറയുന്നു. സ്‌കൂള്‍ കലോത്സവ വേദിയില്‍ നിന്നു ഒരു മാധ്യമത്തിനു നല്‍കിയ അഭിമുഖത്തിലാണു ഷെയിന്‍ ഈ കാര്യങ്ങള്‍ വ്യക്തമാക്കിയത്.സിനിമയിലെ അഭിനയം കണ്ടാല്‍ അഭിനയിക്കുകയാണ് എന്നു തോന്നുകയേ ഇല്ല, ഇത്തരത്തില്‍ ഒരു അഭിനയശൈലി എങ്ങനെ സ്വന്തമാക്കി എന്ന ചോദ്യത്തിന് വന്നുവന്നു ഞാന്‍ അഭിനയിക്കുന്നേയില്ലാ എന്നാണു ചിലരൊക്കെ പറയുന്നത് എന്നായിരുന്നു തമാശരൂപേണയുള്ള ഷെയ്ന്റെ മറുപടി. സിനിമയിലെ മറ്റു മേഖലകളില്‍ കൈവയ്ക്കാന്‍ താല്‍പ്പര്യം ഉണ്ടോ എന്ന ചോദ്യത്തിന് ആദ്യം ഞാന്‍ അഭിനയിച്ചു ശരിയാകട്ടെ എന്നായിരുന്നു ഷെയിന്‍ ചിരിയോടെ പറഞ്ഞത്.
Your email address will not be published. Required fields are marked *
Powered By Team Mekhadooth. Designed By DSG
