ദിലീപിന്റെ ജാമ്യം റദ്ദാക്കണമെന്ന പ്രോസിക്യൂഷന്‍റെ ഹര്‍ജി പരിഗണിക്കും.

നടിയെ ആക്രമിച്ച കേസിലെ പ്രതിയായ നടന്‍ ദിലീപിന്റെ ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന്‍ നല്‍കിയ ഹര്‍ജി കൊച്ചിയിലെ വിചാരണക്കോടതി ഇന്ന് പരിഗണിക്കും. ദിലീപ് സാക്ഷികളെ സ്വാധീനിക്കാന്‍ ശ്രമിക്കുന്നുവെന്നാണ് പ്രോസിക്യൂഷന്റെ വാദം. അതോടൊപ്പം കേസ് അട്ടിമറിക്കാന്‍ ആസൂത്രിത ശ്രമമുണ്ടെന്നും ഹര്‍ജിയില്‍ ആരോപിക്കുന്നു.

കേസില്‍ ഒന്നുരണ്ട് സാക്ഷികള്‍ നേരത്തെ കൂറുമാറിയിരുന്നു. ഇതിന് പിന്നാലെ മറ്റൊരു പ്രധാന സാക്ഷിയെ കൂടി ദിലീപ് സ്വാധീനിക്കാന്‍ ശ്രമിക്കുകയാണെന്നാണ് അഭിഭാഷകന്‍ കോടതിയില്‍ വാദിച്ചത്. ദിലീപും പള്‍സര്‍ സുനിയും തമ്മില്‍ ബന്ധമുണ്ടെന്ന് തെളിയിക്കുന്ന ടെന്നിസ് ക്ലബിലെ ജീവനക്കാരനെ കൂറുമാറ്റാന്‍ ദിലീപ് ശ്രമിച്ചു. അങ്ങനെയെങ്കില്‍ ദിലീപ് ജാമ്യ വ്യവസ്ഥ ലംഘിച്ചിരിക്കുകയാണെന്ന് ചൂണ്ടിക്കാട്ടി ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്‍ വാദിക്കുന്നു.

   

കേസില്‍ നടനും എംഎല്‍എയുമായ മുകേഷും ഹാജരായിട്ടുണ്ട്. ദിലീപിനെ പള്‍സര്‍ സുനിയിലേക്ക് എത്തിച്ചത് മുകേഷാണെന്നും മുകേഷിന്റെ െ്രെഡവറായിരുന്നു പള്‍സര്‍ സുനിയെന്നും അങ്ങനെയാണ് പള്‍സര്‍ സുനിയെ ദിലീപ് പരിചയപ്പെടുന്നത്. ഈ ബന്ധത്തെക്കുറിച്ചാവും മുകേഷിനോട് ചോദിക്കുക.

പ്രോസിക്യൂഷന്‍ വിസ്താരമാണ് ഇന്ന് നടക്കുന്നത്. കേസില്‍ 302 സാക്ഷികളുടെ വിസ്താരമാണ് പൂര്‍ത്തിയാക്കേണ്ടത്. ആക്രമിക്കപ്പെട്ട നടിയടക്കം 44 സാക്ഷികളുടെ വിസ്താരം ഇതിനോടകം തന്നെ പൂര്‍ത്തിയായിട്ടുണ്ട്. മറ്റ് സാക്ഷികളുടെ വിസ്താരം 17ന് നടക്കും.



LEAVE A REPLY

Please enter your comment!
Please enter your name here