ഫഹദുമായോ ഫഹദിൻറെ ചിത്രങ്ങളുമായോ സംഘടനക്ക് തർക്കമില്ലെന്നും ഫഹദിൻറെ ചിത്രങ്ങൾക്ക് തീയറ്ററുകളിൽ വിലക്കില്ലെന്നും ഫിയോക്ക് അറിയിച്ചു.ഒടിടി സിനിമകളുമായി സഹകരിക്കുന്നതിനാൽ നടൻ ഫഹദ് ഫാസിലിൻറെ സിനിമകൾക്ക് തിയേറ്റർ സംഘടനയായ ഫിയോക്ക് വിലക്ക് ഏർപ്പെടുത്തിയെന്ന് വാർത്തകൾ പുറത്തുവന്നിരുന്നു. ഒടിടി ചിത്രങ്ങളിൽ ഇനി അഭിനയിച്ചാൽ ഫിയോക്ക് വിലക്കിലേക്ക് നീങ്ങുമെന്നായിരുന്നു പുറത്തു വന്ന വാർത്തകൾ. തുടർച്ചയായി ഫഹദിൻറെ മൂന്ന് ചിത്രങ്ങൾ ഒടിടി റിലീസിനെത്തിയതാണ് ഫിയോക്കിനെ ചൊടിപ്പിച്ചതെന്നും വാർത്തകളുണ്ടായിരുന്നു.
സിയൂ സൂൺ, ഇരുൾ, ജോജി എന്നീ മൂന്ന് ചിത്രങ്ങളാണ് തുടർച്ചയായി ഫഹദ് ഫാസിലിൻറേതായി ഒടിടി റിലീസിനെത്തിയത്. സിയു സൂൺ, ജോജി എന്നീ ചിത്രങ്ങൾ ആമസോണിലും ഇരുൾ നെറ്റ്ഫ്ലിക്സിലുമാണ് റിലീസ് ചെയ്തത്. ഫഹദിൻറെ ബിഗ് ബജറ്റ് ചിത്രമായ മാലിക് ആണ് ഇനി അടുത്ത മാസം തിയേറ്റർ റിലീസിന് ഒരുങ്ങുന്ന ചിത്രം.