ഇന്ന് പുലര്ച്ചെ ആമസോണ് പ്രൈമിലാണ് ചിത്രം റിലീസ് ചെയ്തത്. പിന്നാലെ രണ്ട് മണിക്കൂറിനുള്ളില് ടെലിഗ്രാമില് ചിത്രമെത്തി.നിരവധി ആളുകള് ചിത്രം ടെലിഗ്രാമിലൂടെ കണ്ടെന്നും വിവരം. ആമസോണ് പ്രൈം ചോര്ച്ചയ്ക്ക് എതിരെ നിയമനടപടികള് സ്വീകരിക്കും.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ദൃശ്യം- 2 നിര്മിച്ചിരിക്കുന്നത്. ആദ്യ ഭാഗത്തിലുണ്ടായിരുന്ന മിക്ക താരങ്ങളും രണ്ടാം ഭാഗത്തിലും വേഷമിടുന്നുണ്ട്. ഇവര്ക്കൊപ്പം ഗണേഷ് കുമാര്, മുരളി ഗോപി, സായ് കുമാര് തുടങ്ങിയ താരങ്ങളും രണ്ടാം ഭാഗത്തിലുണ്ട്. ജീത്തു ജോസഫാണ് സിനിമ സംവിധാനം ചെയ്തിരിക്കുന്നത്.
ദൃശ്യം 2 ചോര്ന്ന സംഭവത്തില് സര്ക്കാര് നടപടി സ്വീകരിക്കണമെന്ന് സംവിധായകന് ജീത്തു ജോസഫ് പറഞ്ഞു.. വളരെ സങ്കടമുള്ള കാര്യമാണ്. ദൃശ്യം 2 മാത്രമല്ല. നിരവധി ചിത്രങ്ങള് ഓണ്ലൈന് പ്ലാറ്റ്ഫോമുകളിലൂടെ പുറത്തിറങ്ങുന്നുണ്ട്. അവയൊക്കെ ടെലിഗ്രാം അടക്കമുള്ളവയില് ലഭ്യമാകുന്നു. നിരവധിയാളുകള് ഉപജീവനം നടത്തുന്ന ഒരു മേഖലയാണ് സിനിമ. സര്ക്കാര് ഇക്കാര്യം പ്രാധാന്യത്തോടെ എടുക്കണം. നടപടി സ്വീകരിക്കണമെന്നും ജീത്തു ജോസഫ് ആവശ്യപ്പെട്ടു.