നിയമസഭ തെരഞ്ഞെടുപ്പില് യു.ഡി.എഫ് സ്ഥാനാര്ഥിയായി ഇത്തവണ മഹിള കോണ്ഗ്രസ് അധ്യക്ഷ ലതിക സുഭാഷ് മത്സരിച്ചേക്കും. യുവാക്കള്ക്കും വനിതകള്ക്കും കൂടുതല് പ്രാതിനിധ്യം നല്കണമെന്ന നിര്ദേശം ഉള്ളതിനാല് ജില്ലക്ക് ഒരു സീറ്റ് ലഭിക്കുമെന്നുറപ്പാണ്. മാത്രമല്ല, നിയമസഭ തെരഞ്ഞെടുപ്പില് 20 ശതമാനം സീറ്റുകള് നല്കണമെന്ന് ലതിക സുഭാഷിെന്റ നേതൃത്വത്തില് മഹിള കോണ്ഗ്രസ് ആവശ്യപ്പെടുകയും ചെയ്തിരുന്നു.വനിത സ്ഥാനാര്ഥിയായി ജില്ലയിലെ മുതിര്ന്ന നേതാവെന്ന നിലയില് പ്രഥമ പരിഗണന ലതിക സുഭാഷിനുതന്നെയായിരിക്കും. പാര്ട്ടി പ്രവര്ത്തനങ്ങളില് സജീവ സാന്നിധ്യമായ ലതിക സുഭാഷ് പാര്ട്ടിക്കകത്തും പുറത്തും രാഷ്ട്രീയം പറയാന് കെല്പുള്ള കരുത്തുള്ള നേതാവാണ്.